ബഹുമാനപ്പെട്ട ധനമന്ത്രി ശ്രീ കെ.എൻ.ബാലഗോപാലിന്റെ നേതൃത്വത്തിൽ, KSFE ചെയർമാനും മാനേജിങ് ഡയറക്ടറും ബോർഡ് മെമ്പർമാരും പ്രവാസി ചിട്ടി വരിക്കാരെയും വിവിധ മലയാളി സംഘടനാ പ്രവർത്തകരെയും നേരിൽ കണ്ടു സംവദിക്കുന്ന, പ്രവാസി മീറ്റിന്റെ അഞ്ചാമത്തെ യോഗം കുവൈറ്റിൽ വെച്ച് ഒക്ടോബർ ഏഴാം തീയതി നടന്നു.

യോഗത്തിൽ, പ്രവാസി ചിട്ടിയുടെ പ്രത്യേകതകളും, വരിക്കാർക്കുള്ള പ്രയോജനങ്ങളും അവതരിപ്പിക്കപ്പെട്ടു. കൂടാതെ പ്രവാസി ചിട്ടി വരിക്കാർക്ക് മാത്രമായുള്ള KSFE DUO എന്ന, ചിട്ടിയുടെയും നിക്ഷേപത്തിന്റെയും ഇരട്ട നേട്ടം നൽകുന്ന പദ്ധതിയെക്കുറിച്ചും ധനമന്ത്രി പരാമർശിക്കുകയുണ്ടായി. KSFE ഭദ്രത സ്മാർട്ട് ചിട്ടികൾ 2022-ന്റെ ഒന്നാം സമ്മാനമായ TATA TIGOR ഇലക്ട്രിക്ക് കാർ ലഭിച്ച പ്രവാസി ചിട്ടി വരിക്കാരനായ ശ്രീ. അൽ അമീൻ ഈ യോഗത്തിൽ പങ്കെടുക്കുകയും തന്റെ സന്തോഷം പ്രകടിപ്പിക്കുകയും ചെയ്തു.

ഈ യോഗം വലിയൊരു വിജയമാക്കി തീർത്ത പ്രവാസി മലയാളി സമൂഹത്തിനു KSFE ഡിജിറ്റൽ ബിസിനസ്സ് സെന്ററിന്റെ നന്ദി രേഖപെടുത്തുന്നു. GCC രാജ്യങ്ങളിലെ പ്രമുഖ ഇടങ്ങളിൽ, ഒക്ടോബർ പതിനൊന്നാം തീയതി വരെ നടക്കുന്ന തുടർന്നുള്ള മീറ്റുകളിലേക്കു ഏവരുടെയും സഹകരണം അഭ്യർത്ഥിക്കുകയും ചെയ്യുന്നു.